தற்போக்கு பெருவழி நினைவகம் (RAM)

 Random Access Memory 

ஒரு கொம்ப்யூட்டரோ , லப்டப்போ, மொபைல் போனோ வாங்க வேண்டும் என்றால் முதலில் அனைவரும் கவனிப்பது, அதில் உள்ள  ரம்  இன் கொள்ளளவு பற்றித்தான். ஏனெனில் ரம்மை பொறுத்துதான் அந்த உபகரணத்தின் செயல்திறன் இருக்கும்.  இன்றைய நிலையில், குறைந்த பட்சம் 4 ஜிபி ரம் ஒரு கம்ப்யூட்டர் இயங்கத் தேவையாய் உள்ளது. இது ரேண்டம் அக்சஸ் மெமரி என்று ஆங்கிலத்திலும், தற்போக்கு பெருவழி நினைவகம் என்று தமிழிலும்    கூறப்படும்.பொதுவாக (Mother board) தாய்ப்பலகையில் இது அமைக்கப்பட்டு இருக்கும். 

இப்பொழுது ரம் என்றால் என்ன? ரம் எப்படி இயங்குகிறது? அதன் பயன்பாடுகள் பற்றி பார்ப்போம். 

ரம் என்பது தரவுகளை சேமித்து வைக்க கூடிய ஒரு தேக்கச்சாதனம். ஆனால் நிரந்தரமாக அல்ல, கணினி அல்லது மொபைல் off  செய்யப்பட்டவுடன் இதில் சேமித்து வைக்கப்பட்டுள்ள மெமரி அழிந்துவிடும். ஆகையால் தான் ரம் ஐ Volatile Storage என ஆங்கிலத்தில் அழைப்பார்கள், அதாவது அழிதகு நினைவகம். இந்த ரம் டேட்டாகளை சேமித்து பின்னர் பிராஸசருக்கு அனுப்புகிறது. ஒரு கணினி அல்லது மொபைல் இயங்கும் போது அதற்க்கு தேவைப்படுகின்ற தரவுகளை ரம் மெமரியில் தற்காலிகமாக சேமித்து வைத்துக்கொள்ளும். இந்த மெமரியை CPU ஆல் எளிமையாக பயன்படுத்திக்கொள்ள முடியும். அதாவது தகவல்களை வெளியிடுதல், தேக்கிவைத்தல், மீண்டும் பயன்படுத்துதல் இதன் தொழில்கள் ஆகும். ஆகவே இது ஒரு முதன்மை நினைவகம் ஆகும். உதாரணத்திற்கு நீங்கள் Photoshop அப்பிளிகேஷன் பயன்படுத்துகிறீர்கள் என வைத்துக்கொள்வோம். கணினி உடனடியாக தேவையான பைல்கள் அனைத்தையும் ரம் க்கு கொண்டுவரும். ஹாட் டிஸ்கில் இருந்து அடிக்கடி தேவையானவற்றை எடுப்பதைவிட, ரம் இல் இருந்து எடுப்பது இலகுவானதாகவும்  வேகமானதாகவும் இருக்கும். ஒருவேளை உங்களது ரம் அளவு குறைவானதாக இருப்பின் Photoshop அப்ளிகேஷன் சரியாக இயங்காது. இதனை தான் நாம் Slow அல்லது hang ஆகிறது என்போம். தற்பொழுது ரம் ஒரு ஜிபி  தொடக்கம் 64 ஜிபி வரை சந்தையில் கிடைக்கிறது. ரம் மெமரியை எவ்வளவு அதிகப்படுத்துகிறீர்களோ அந்த அளவிற்கு கம்ப்யூட்டரின் திறனும் கூடும்.

ரம் ஆனது ஒவ்வொரு சாதத்திற்கும் வித்தியாசமாக வடிவமைக்கப்பட்டிருக்கும்.

DDR என்றால் என்ன?

தற்போது நாம் வாங்கும் பொருட்களில் DDR3 ரேம் என்று குறிப்பிட்டுள்ளதை பார்த்திருப்போம். Double Data Rate என்பதின் சுருக்கமே DDR. இரண்டு மெமரி பரிமாற்றங்கள் நடப்பதால் இதற்கு இந்த பெயர் வந்தது. இந்த DDR ரேம் தற்போது DDR, DDR2, DDR3,DDR4 உள்பட பல விதங்களில் கிடைக்கின்றது.